علق شريف حازم لاعب الأهلي السابق على ضم الأهلي لأحمد سيد زيزو نجم الزمالك. وقال شريف حازم عبر قناة "إم بي سي مصر":" زيزو ممكن ميلعبش أساسي في الأهلي، لإن المنافسة في الزمالك سهلة عكس الأهلي".

وأضاف:" زيزو مش مؤثر مع المنتخب ولو حصل مقارنة بينه وبين تريزيجيه، هتروح لصالح تريزيجيه". وتابع:" المنافسة في الأهلي مختلفة ولو زيزو وحش في ماتش هيقعد دكة، والأهلي جاب زيزو بعد قرار الانسحاب عشان يضم وخلاص".

وأكمل:" تعاقد الأهلي مع زيزو خلى الدنيا تهدى شوية، وصفقة زيزو مكنتش صعبة الزمالك مش معاه فلوس يدفعها، والأهلي دخل خلصها بسهولة". وأتم:" زيزو كان في الزمالك أحسن لعيب في الزمالك والفيراري بتاع الفرقة، ولكن في الأهلي مش هيبقى فيراري في كتير غيره".